Anxo Quintana entregou a ASORLU o Premio da Asociación de Redes de Telecentros

O vicepresidente da Xunta, Anxo Quintana, acompañado polo conselleiro de Innovación e Industria, Fernando Blanco, fixo entrega á presidenta da Asociación de Persoas Xordas de Lugo, Purificación López Ferreiro, do premio que o Dicionario E-SignoVisual recibiu da Asociación de Redes de Telecentros durante o 7º Congreso Anual de Telecentros e Redes de Telecentros, celebrado o pasado mes de abril en Fuerteventura.
E-SignoVisual é un dicionario virtual de termos tecnolóxicos que fai máis accesible a linguaxe tecnolóxica ás persoas xordas, para que poidan achegarse ás novas tecnoloxías, e foi posto enmarca por catro dinamizadores da Rede de Dinamización da Sociedade da Información (da Consellaría de Innovación e Industria) e pola Asociación de Persoas Xordas de Lugo.