En febreiro anunciaban que no Reino Unido os cativos ían poder facerse co ordenador portátil de baixo custo Elonex ONE, que custaría unhas 100 libras esterlinas (126 euros) e que se comezaría a entregar en setembro. Esta iniciativa parece que foi todo un éxito (segundo parece, xa se reservaron 200.000 equipos mediante un depósito de 10 libras cada un) e xa anuncian o Elonex One T, que sería un portátil moito máis atractivo aínda que o seu prezo sería lixeiramente superior, pois partirá de 129 libras esterlinas (162,54 euros).
O One T conta cunha pantalla de 7 polgadas cunha resolución de 800 x 480 píxeles, 1 Gb de disco Flash, lector de tarxetas SD, Wi-Fi, saída de VGA e 3 portos USB 2.0. Venderase en varias cores (negro, verde, rosa e branco), mide 21 x 14 x 3 centímetros, só pesa 625 gramos e a súa batería ten unha autonomía de 3 horas. Tamén lanzarán un modelo One T+ que incorporará un disco Flash de 2 Gb.
Nun principio parece que o novo modelo se diferenza do anterior na súa estética e no seu procesador (que desta volta funcionará a 400 MHz).
Anuncian un ultraportátil para cativos por só 129 £
Compartir Este Artigo
-PUBLICIDADE-
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
- A Xunta pon en marcha unha nova edición das Xornadas Sobre Control Parental para fomentar un uso responsable da tecnoloxía
- A comunidade educativa do Colexio Juana de Vega comparte a súa experiencia de ensino híbrido no marco do proxecto E-Dixgal
- A Xunta renova os case 500 postos dixitais das oficinas rurais para adaptalos ás novas formas de traballo
