Comercializan na India un móbil-consola de videoxogos portátil

En vista de que a plataforma N-Gage de Nokia e os iPhone están a tirar proveito dos xogos para móbiles, chegando incluso a facerlle a competencia ás consolas de videoxogos portátiles, a empresa Spice Mobile Limited lanza na India o seu Spice X-1, que é un móbil que inclúe unha consola de videoxogos.
O terminal inclúe unha pantalla de 2,4 polgadas, lector de tarxetas de memoria (inclúe unha de 2 Gb con varios xogos), son envolvente de Yamaha, conectividade GPRS, navegador Opera Mini preinstalado, cámara de 2 Mpíxeles, Bluetooth e sintonizador FM, que se vende por 8.899 rupias (uns 140 euros).
Nun principio se pode xogar directamente dende o móbil, aínda que resulta máis cómodo conectalo a un controlador de xogo (gamepad) polo que a súa experiencia de uso será máis semellante ao dunha consola tradicional que a un móbil (xa que as teclas dos terminais normalmente son incómodas).