Carballo intégrase na Rede de Telecentros de Comunicación

Manuel Conde Mouzo, subdirector xeral de Telecomunicacións e Audiovisual, acompañado por Evencio Ferrero Rodríguez, alcalde de Carballo, inauguraron o telecentro de comunicación do concello coruñés co que se pretende achegar aos veciños as novas canles de comunicación que lles permitan iniciarse no mundo da comunicación audiovisual e a alfabetización dixital.
No acto de inauguración Alejandro Rodríguez Lema, alcalde de Vimianzo, deu a benvida ao Concello de Carballo á Rede de Telecentros a través de videoconferencia.
A posta en marcha deste telecentro contou cun investimento de 120.000 euros e a Secretaría Xeral de Comunicación quere convertelo nun punto de encontro do concello conseguindo incorporalo coma alternativa habitual na axenda de tempo libre da cidadanía.
O local que conta con 20 terminais de ordenador servirá para realizar cursos, roldas de prensa, videoconferencias, xuntanzas de traballo, visionado de audiovisuais ou conferencias.