Circula pola Rede unha nova versión de proba de Windows 7

Nos últimos días se comentaba a posibilidade de que durante o CES de Las Vegas se distribuísen versións de proba do futuro Windows 7, pero non haberá que agardar nin 2 semanas para botar un ollo ao estado actual do que será o sistema operativo que tomará o relevo de Windows Vista, pois na rede BitTorrent está a circular unha imaxe en DVD do Windows 7 Beta build 7000.
A nova versión de proba nos permite probar o que será o Windows 7, cómo será a súa interface de uso, as aplicacións que incluirá, se funciona axeitadamente nos nosos equipos… aínda que non hai que lembrar que non se trata dunha versión final, polo que non será o suficientemente estable como recomendarse o seu uso coma sistema operativo principal, e debería quedar relegado só a desenvolvedores de aplicacións ou hardware, que queiran adaptar os seus produtos para o sistema operativo do futuro.