Preparados máis obradoiros de Novas Tecnoloxías en Betanzos

A Rede de Dinamización da Sociedade da Información vén de anunciar que o seu Centro de Betanzos ten programados diversos obradoiros para o vindeiro mes de abril, entre os que destacan os de Mecanografía, de Alfabetización dixital para a terceira idade e o de Creación e xestión dun blog.
Os obradoiros, que van dirixidos tanto aos maiores da comarca como aos máis cativos e cativas, terán lugar no Telecentro da vila e o prazo de inscrición para todos eles xa está aberto.
Ademais dos devanditos cursos, este Centro ofrece tamén en abril, un obradoiro de Debuxo con Disney (dirixido a nenos e nenas de entre 5 e 7 anos) e un de Comunicación a través do correo electrónico, que vai dirixido a tódolos veciños e veciñas interesados en aprender a usar este novo medio de comunicación en auxe.
Tanto as datas da celebración dos distintos obradoiros, como o horario e as prazas dispoñibles para cada un, pódese consultar no blog do Centro de Dinamización de Betanzos ou tamén directamente na web da Rede de Dinamización.