Skyla Memoir, o marco dixital con escáner integrado

Os marcos dixitais son un método moi popular para presentar as imaxes capturadas polas nosas cámaras fotográficas dixitais, pero LiteOn vén de introducir no mercado español o Skyla Memoir, que permite trasladar o mesmo uso ás fotografías en papel, xa que incorpora un escáner para fotografías de 10 x 15 centímetros, que rexistra as instantáneas a unha resolución de 600 dpi na súa memoria interna (de 1 Gb de capacidade).
A pantalla deste marco dixital ten unha boa resolución (800 x 600 píxeles), inclúe lector de tarxetas de memoria 5-en-1, conexión USB (tanto para conectar co PC como para acceder a fotografías de memorias USB), reproduce ficheiros MP3, M-JPEG, MPEG-1 e MPEG-4 e o seu prezo de venda é duns 200 euros, o que parece un tanto elevado, pero estaría xustificado pola ausencia de dispositivos semellantes nas tendas.