DaD demostra que investir con éxito en Internet, é posible

Digital Assets Deployment (DaD), unha das Incubadoras Seed Capital (Capital Semilla) de Negocios de Internet e Tecnoloxía de referencia en España, vén de facer pública a súa satisfacción coa evolución que está a experimentar nos últimos anos, debido sobre todo, segundo afirman os seus responsables, “aos investimentos con éxito en proxectos empresariais en Internet”.
Segundo vén de declarar o presidente da compañía, Rodolfo Carpintier, “DaD está demostrando que os negocios en Internet son perfectamente rendibles se se escollen os mellores expertos”, e neste senso poderiamos afirmar que o éxito desta entidade reside no seu bo asesoramento en torno á Rede e ao negocio que esta envolve.
O xeito de traballar de Dad, atraeu a 37 investidores institucionais e particulares, que con capital 100 por cento español, entraron na Incubadora, permitindo que esta tomara participacións en 20 empresas, colaborara na creación de 600 postos de traballo e permitira importantes rendabilidades que, segundo afirmou, “faranse efectivas cando o investidor desinvista”.
Deste xeito, DaD vén de converterse nun interesante vehículo para pequenos e grandes investidores en Internet, entre os que destaca a Caixa de Aforros de Navarra (CAN), que buscan rebaixar e distribuir o risco dos seus investimentos.
Na actualidade, algunhas das empresas nas que DaD ten participación son xa exemplos de éxitos empresarial: Tuenti, Buyvip, Baquia, Berggi, ZipClip China, Xplane, Digidis, Menudapuja…
Este sistema de selección e as diversas experiencias de éxito dos membros do Comité de Investidores de DaD fixeron posible que as decicións empresariais tomadas pola Incubadora, se convertisen nunha “referencia” para outros investidores en Internet.