ARTeria Noroeste organiza un curso de piratería e propiedade intelectual

A fin de dar a coñecer o marco xeral da propiedade intelectual e a súa aplicación práctica, así como todo o referente á descarga ilegal de contidos en Internet, ARTeria Noroeste vén de anunciar a celebración do Curso de piratería e propiedade intelectual, que terá lugar o vindeiro 27 de maio na sede da SGAE en Santiago de Compostela.
A actividade desenvolverase de 16 a 21 horas e, entre outras cousas, os asistentes poderán entender un pouco mellor os conceptos de autor, obras, dereitos de autor, propiedad intelectual… así como coñecer a súa regulación xurídica.
Por outra banda, no tocante ao tema da piratería, os relatores encargados de impartir o curso darán unhas trazas do que é a SGAE e cáles son os seus obxectivos así como a situación da piratería no noso país e as medidas que o devandito organismo leva a cabo para loitar contra esta práctica.
O curso, que será impartido por Oscar Refoxo e Xosé Manuel Rodríguez, ten un prezo de 60 euros (40 para os socios da SGAE) e ten un aforo limitado de 30 persoas.
Os asistentes recibirán un diploma acreditativo.