Ineo e Blusens participan este xoves nun encontro sobre dirección empresarial innovadora

Compostela acolle este xoves un encontro profesional sobre novos métodos e propostas para a dirección dunha empresa que case de xeito inevitable xirará arredor das novas canles dixitais do coñecemento (tal é o seu peso dentro da innovación empresarial). A xornada, que se desenvolve nos Hostal dos Reis Católicos, contará coa presenza de entidades e empresas directamente vinculadas ao fenómeno tecnolóxico-informativo, como por exemplo a asociación Ineo (entidade colaboradora na organización do evento) ou a empresa galega de produtos e servizos para o lecer dixital Blusens.
AseAdfdAsemade, o encontro (que dará comezo ás 9.30 horas) dará acubillo a un relatorio de Jack Zenger, experto mundial en competitividade e innovación, que falará sobre a figura do líder inspirador, aquel persoeiro que dentro do corpo empresarial é quen que lograr que a súa compañía colla azos e non os perda, amais de servir de exemplo para o xurdimento na súa contorna de propostas semellantes, co de positivo que isto ten para a economía do país, bisbarra ou cidade da que parten.
O encontro deste xoves en Santiago, que está organizado por APD Noroeste baixo o epígrafe Tendencias internacionais en management (mellores líderes conseguen mellores resultados), tamén servirá para a presentar en público o estudo sobre o impacto do liderazgo nos resultados da empresa elaborado polo Grupo P&A.