Un Grupo de Investigación Tecnolóxica (GIT) da Brigada Provincial de Policía Xudicial de Valladolid, realizou un rexistro no domicilio de Tiplorita, un mozo de 19 anos considerado o responsable de compartir a través da páxina web adictosdd.com centos de películas, o que segundo a Policía, supuxo durante os últimos 4 meses uns ingresos duns 1.500 dólares (uns 1.000 euros) o que indicaría que os beneficios deste tipo de páxinas web (ao sitio mecionado atribúenselle unhas 150.000 obras descargadas) non son tan esaxerados coma teñen publicado as entidades de xestión de dereitos de autor nas súas comunicacións tras outras operacións semellantes.
Neste caso destácase o feito de que o rapaz detido non contaba cunha liña fixa de acceso á Rede, senón que crackeaba as conexións Wi-Fi dos seus veciños presuntamente para compartir películas a través da Rede.
Na actualidade Tiplorita, está en liberdade tras tomárselle declaración e requisárselle 4 discos duros con copias de filmes recentes, pero haberá que ver se finalmente son quen de demostrar que o acusado era o autor das subidas das películas ou só facilitaba o foro a través do que se facían as mesmas.
Emprenden medidas contra o responsable de adictosdd.com
Compartir Este Artigo
- A Xunta pon en marcha a décimo quinta edición de Tecnólog@ por un día para achegar as profesións dixitais ao alumnado galego
- A Axencia para a Modernización Tecnolóxica de Galicia forma en protección de datos a persoas empregadas públicas nun Curso Superior na EGAP
- A Xunta explica o seu modelo de transformación dixital a unha delegación de expertos de Arxentina, Panamá, Uruguai e Guatemala
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
