Presentan un Mapa Cultural Galego baseado en realidade aumentada

O pasado venres o Consello da Cultura Galega presentou a súa primeira incursión na realidade aumentada, tecnoloxía emerxente que vincula a realidade física a capas de datos almacenadas na Internet, nunha experiencia conxunta coa empresa especializada en servizos de xeolocalización Sixtema, no que dáse en chamar Mapa Cultural Galego, e que consiste nunha capa de datos para a aplicación Layar (dispoñible para terminais móbiles baseados en Android e para o iPhone) que permite aos usuarios de terminais que combinen cámara, GPS e compás para representar sobre a realidade datos de 5.000 equipamentos culturais xeorreferenciados en toda Galicia.
Deste xeito, dende a pantalla do móbil podemos ver sobre a imaxe que temos diante información sobre museos, galerías de arte ou centros sociais, entre outros, achegando numerosos datos técnicos sobre os mesmos coma o seu teléfono ou enderezo web, coma podemos ver no seguinte vídeo demostrativo:

Á presentación deste nova capa de datos para Layar asistiron Xosé López, vicepresidente do Consello da Cultura Galega; Hakan Casares, coordinador do Observatorio da Cultura Galega; Alejandro Lamas, de Sixtema e Manuel Gago, director do portal Culturagalega.org, en representación dos distintos axentes que colaboraron en levar á realidade esta interesante iniciativa que ilustra axeitadamente as posibilidades tecnolóxicas que abren os novos dispositivos que cada día son dun uso máis común.