Denuncian que Google incluíu a España nunha listaxe de países que censuran a Internet

O diario El País publicou hoxe que Google incluíu a España na listaxe de países censores de Internet, ou iso entendeu a cabeceira de prensa por unha vista oral na Cámara de Representantes de EE.UU. sobre democracia, seguridade e liberdade de expresión na Rede, onde analizaban as técnicas dos distintos Gobernos no control de páxinas web, onde mencionouse o caso do bloqueo por mandado xudicial en 2007 de 2 blogs que pedían o boicoteo a produtos cataláns.
Ante esta polémica, dende Google remitiron unha carta ao Ministerio de Industria destacando que teñen «moi claro que en España non se exerce a censura na Internet», engadindo que «non existe ningún feito na actualidade que faga considerar a España coma un país no que están limitadas as actividades desenvolvidas na Internet». Segundo parece, a avogada de Google, Nicole Wong, só mencionou a España coa un país no que bloqueouse algunha bitácora hospedada en Blogger, pero tal declaración non estaba acompañada por unha acusación de censura.