Un xuíz ordena o bloqueo de 16 páxinas web de descargas

O Xulgado de Instrucción número 2 de Alacante ditou un auto ordenando o bloqueo de 16 páxinas web de descargas non autorizadas de contidos suxeitos a dereitos de autor (principalmente películas), así coma o bloqueo das contas correntes e do correo electrónico do seu navegador, Rafael Mellado, ante «sobrados indicios» de que estábanse a utilizar para «actividades delictivas» segundo fontes xurídicas. Estas medidas cautelares responderían a unha denuncia de Columbia Tristar e outros estudos e a solicitude do Grupo de Delincuencia Especializada da Policía Nacional, e sería continuación dunha operación iniciada en decembro en Alacante, na que a Policía detivo a 4 persoas que gravaban películas de estrea en salas de cine e ofrecíanas para a súa descarga na Internet.
Esta decisión xudicial podería ser bastante polémica, posto que o imputado no caso xa fora absolto en setembro de 2008 dunhas acusacións semellantes relativas á súa web todotorrente.com. Entre as páxinas bloqueadas están algunhas bastante coñecidas coma todotorrent.com, subestrenos.com, bajandoseries.com e spadescargas.com, que están na mesma liña doutras denunciadas con anterioridade (e das que foron arquivadas as súas causas) polo que parece difícil que vaia acontecer algo distinto nesta ocasión, aínda que o peche de 16 páxinas web en menos de 3 meses demostraría que un dos principais argumentos empregados para xustificar a creación da Comisión de Propiedade Intelectual a través da Lei de Economía Sustentable (as demoras da Xustiza en pechar páxinas web) non estaría xustificado.
No momento de escribir estas liñas as páxinas web denunciadas continuaban a súa actividade habitual.