Un colexio compostelán proba o uso de eReaders nas aulas

A Editorial Santillana e Grammata presentaron hoxe o Proxecto E-volución, que é a primeira iniciativa realizada en España para introducir os lectores de libros electrónicos nas aulas, elixíndose para emprender tal experiencia piloto ao compostelá Colexio Junior’s, de xeito que os alumnos e os profesores contarán con contidos educativos adaptados á dinámica da aula e aos dispositivos de lectura de e-books baseados en tinta electrónica, co obxectivo de aproveitar as posibilidades didácticas que ofrecen estas novas ferramentas de lectura dixital.
O acto de presentación deste proxecto tivo lugar na Aula Magna do Instituto Teolóxico Compostelán sita no Mosteiro de Santo Martiño Pinario, e contou coa presenza do director xeral de Educación, José Luis Mira Lema. Durante o mesmo detallouse que os alumnos que participarán neste plan piloto serán os que cursen 4º de secundaria, que intercalarán o formato dixital co tradicional, para demostrar que as aulas poden impartirse perfectamente con independencia do soporte dos seus contidos, e no mes de xuño comprobaranse os resultados acadados.
Entre as vantaxes do uso de eReaders no contorno educativo estaría a eliminación da mochila dos alumnos de pesados libros, pois substituiríanse por pequenos lectores Papyre de Grammata.

Juan González de la Cámara, fundador e director xeral de Grammata, detalla as posibilidades do seu Papyre