Skyfire 2.0 para Android estréase coma un navegador con soporte de vídeo en Flash

Tras un período en probas chega ao Android Market o navegador web Skyfire 2.0, que pese a estar en fase de probas é unha interesante aplicación que facilita a compartición de contidos en Facebook e Twitter, permite o uso de xestos multi-táctiles para ampliar a imaxe, navegación en fichas (ata 8), a posibilidade de acceder á versión de escritorio ou á móbil das páxinas web e mesmo soporte para vídeo en Flash.
Este navegador para Android 2.0 ou superior aínda está en fase de probas, pero á espera de Android 2.2 e o seu soporte nativo de Flash, estamos ante unha das opcións máis atractivas para o acceso á web dende o móbil, en boa medida polas súas compoñentes sociais, xa que conta cun botón que abre un acceso para compartir o que estamos a ver no navegador co resto do mundo a través de distintos mecanismos. Tamén conta cunha función de exploración que axuda a localizar contidos interesantes en fontes coma YouTube, Twitter, Google ou Digg, entre outras.

Pequena demostración do funcionamento de Skyfire en Android