As empresas españolas trunfan no congreso anual europeo de outsourcing

Recentemente tivo lugar en Madrid o Congreso Anual da European Outsourcing Association (EOA), un evento que nesta ocasión reuniu a máis de 200 participantes chegados de todo o continente e no cal se premiaron as empresas máis punteiras da materia (a maioría delas españolas).
Xa que logo, na gala de Premios Europeos de Outsourcing que acollía o congreso, foron premiadas: Indra (Corporate Social Responsability), Ferrovial S.A. (IT Outsourcing Project of the Year), Telefónica Germany (Outsourcing End-User of the Year), e Prisa (Award for Innovation In Outsourcing).
A asociación que organizou o congreso, a EOA na súa división española, ten como obxectivo mellorar a práctica profesional na xestión e provisión de servizos externos profesionais en materia de TI, algo que, visto o éxito das empresas españolas no certame, é algo do que se pode presumir no noso país.
Entre as persoas asistentes contábanse membros tanto de empresas que xa empregan con gran dinamismo o outsourcing, como outras interesadas na súa implantación, así como provedores de servizos de TI, firmas legais, axencias estatais, analistas de negocios e universidades, entre outras entidades.
Din os seus responsables que a concesión destes premios “pon de manifesto que España confírmase como o mellor destino nearshore de Europa tanto pola súa proximidade física e cultural como pola súa gran capacidade técnica e profesional das súas empresas”, puntualizan.