As videocámaras deportivas gañan cada vez máis popularidade por mellorar a súa portabilidade, rexistrar vídeo cunha calidade cada vez maior e reducir o seu prezo ata unhas cantidades asumibles, e grazas a iso temos produtos como a Drift HD, que cun tamaño compacto (104,14 x 50 x 33 milímetros) e un peso de 119,91 gramos, consegue tomar fotografías a 9 Mpíxeles e gravar vídeo en alta definición a 1.080p, rexistrando as nosas actividades de risco en primeira persoa, xa que pode colocarse de xeito doado nun casco de motocicleta ou unhas gafas de esquiar.
A videocámara Drift HD ten conexión para micrófono externo, as súas lentes poden substituírse, conta cunha pantalla TFT de 1,5 polgadas, saída de vídeo en alta definición (micro HDMI), batería recargable de 1.110 mAh (coa opción de batería de 1.700 mAh), soporte de tarxetas de memoria microSD de ata 32 Gb e mesmo un mando a distancia que pode levarse no pulso para activar o modo de gravación dun xeito doado en momentos nos que resultaría complicado acceder fisicamente aos botóns da cámara.
Esta nova cámara capaz de resistir a auga e os golpes sairá á venda o 31 de agosto a un prezo de 369 dólares (257,56 euros).
As posibilidades da videocámara Drift HD vistas en vídeo
A Drift HD facilita a gravación da práctica de deportes extremos
Compartir Este Artigo
-PUBLICIDADE-
- Os centros educativos galegos poden inscribirse ata o 5 de outubro na VI edición de ‘Ciberseguridade no Cole!’
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
- A Xunta pon en marcha unha nova edición das Xornadas Sobre Control Parental para fomentar un uso responsable da tecnoloxía
- A comunidade educativa do Colexio Juana de Vega comparte a súa experiencia de ensino híbrido no marco do proxecto E-Dixgal
