Detectan un troiano que grava as chamadas de móbiles Android

CA Technologies descubriu un novo malware para terminais Android que vai un pouco máis aló doutros que detectaran anteriormente, chegando non só a rexistrar as chamadas que realizamos e recibimos no móbil, senón incluso gravándoas en formato .AMR na tarxeta de memoria do terminal, o que podería tanto ameazar a confidencialidade das nosas comunicacións como deixar o móbil sen memoria libre.
Esta información só dá a entender que debemos evitar a instalación de aplicacións no noso móbil que sexan de orixe descoñecida, pois poden ocasionar problemas impensables. O troiano detectado pola xente de CA Technologies non provén do Android Market, senón que fontes de dubidosa confianza e gozando da autorización do usuario na súa instalación, de xeito que o usuario medio debería de estar tranquilo, pois este tipo de ameazas só afectarían a usuarios avanzados.