Melloran as vendas de MacBook Air, que pronto podería estar dispoñible tamén en 15 polgadas

Un estudo de Morgan Stanley con datos de NPD reflicte o crecemento das vendas dos equipos portátiles MacBook Air, que pese a carecer de unidade óptica, conseguiron superar a cuarta parte da venda de portátiles de Apple, destacándose o feito de que, tras a mellora destes equipos o pasado verán, disparáronse as súas vendas. Un dos elementos que está a ser decisivo neste tipo de equipos é o seu elegante deseño e a súa alta portabilidade, sumado ao feito de que contan con prestacións (arranque instantáneo e unidade SSD) que o achegan á experiencia de uso dun iPad, o que explica que en outubro chegase ao 28% dos envíos de Apple ás tendas (mentres que hai medio ano tal porcentaxe apenas chegaba ao 8%).
Estas informacións chegan case simultaneamente aos rumores de que no segundo trimestre de 2012 estará dispoñible un MacBook Air de 15 polgadas (os modelos actuais teñen pantallas de 11 e 13 polgadas), o que pode deducirse de certos pedidos de Apple aos seus provedores de compoñentes. Parece confirmarse así a aposta de Apple por estes equipos, que actualmente xa son nos MacBook básicos, mentres que os usuarios máis esixentes continúan a ter dispoñibles os MacBook Pro (dos que tamén se rumorea un re estilizado nos vindeiros meses, para axustarse a estas novas tendencias).