Red.es impulsa as TIC na hostalería e o turismo rural en 13 comunidades, incluída a nosa

O Goberno presentou esta semana un programa dirixido a favorecer o acceso e uso das ferramentas dixitais da información e a comunicación no sector hostaleiro, facendo especial fincapé no turismo rural. A iniciativa, chamada Aloxamentos conectados, encamíñase a dar servizo a pequenas e medianas empresas dos ditos sectores e vén da man do Ministerio de Industria, a través de Red.es. Desenvolverase en trece comunidades autónomas, incluída a nosa, contando co apoio orzamentario dos fondos FEDER.
O programa, inserido á súa vez nun programa máis amplo, Empresas en Rede, conta cun orzamento total de 8,3 millóns de euros, dos que o 70% proceden das ditas achegas da Unión Europea. A través de Aloxamentos conectados, Red.es facilitará solucións tecnolóxicas dirixidas a áreas fundamentais da cadea de valor do sector turístico (reservas, xestión da estancia, marketing e atención postventa) e servizos para potenciar a actividade das pequenas e medianas empresas na Internet. A convocatoria dará servizo a autónomos, microempresas e PEME de ata un máximo de 49 empregados. Ofertaranse estes servizos:
· Solución de Xestión da Propiedade (PMS)
·· Servizos para mellorar a web
· Servizos de marketing online