O Galaxy Note medra ata as 10,1 polgadas

Tras as boa recepción comercial do móbil Samsung Galaxy Note, que conseguiu destacar no mercado coa súa enorme pantalla de 5,3 polgadas e a posibilidade de funcionar cun punteiro como se fose unha PDA, Samung quere levar este factor aos tablets e presenta o Galaxy Note 10.1. Este novo dispositivo conta cun procesador de dobre núcleo a 1,4 GHz, conectividade HSPA+, pantalla de 10,1 polgadas cunha resolución de 1.280 x 800 píxeles, cámaras de 3 e 2 Mpíxeles, Wi-Fi, Bluetooth 3.0, GPS, capacidades de almacenamento interno de 16/32/64 Gb, punteiro S-Pen, o paquete de aplicacións de debuxo S-Note, o sistema operativo Android 4.0 e as aplicacións Adobe Photoshop Touch e Adobe Ideas.
Aínda non se anunciaron os datos sobre o lanzamento do dispositivo, pero parece que conseguiu atopar un xeito de destacar fronte aos seus competidores, que parecen máis centrados en mellorar as súas pantallas, as súas cámaras e os seus procesadores, en vez de intentar atopar funcionalidades destacables.