Tivoli comercializa un altofalante con radio para os amantes do deseño

Os usuarios que gusten de escoitar música dos seus reprodutores multimedia, non queren prescindir da maxia da radio e desexen combinar a experiencia cun deseño elegante poden optar por facerse co Tivoli Audio PAL, un altofalante portátil con batería interna recargable (cunha autonomía de ata 16 horas), sintonizador de radio FM e AM e entrada de audio estándar que incluso soporta as inclemencias meteorolóxicas e ofrécese en dúas cores (negro e rosa) no seu modelo normal, e nunha grande variedade cromática no seu modelo iPAL (pensado para ir a xogo cos reprodutores portátiles de Apple).
Este dispositivo de 15,88 x 9,37 x 9,86 centímetros e 875 gramos de peso pode empregarse comodamente no fogar, na oficina, en exteriores ou de viaxe (inclúe bolsa de transporte), ofrecendo sempre unha grande calidade sonora, o que, xunto coa súa estética (baseada nun deseño de Henry Kloss), fai que teña un prezo (219,99 dólares) que non está ao alcance de todos os petos.

O Tivoli Audio PAL visto en vídeo