Eltiempo.es estrea aplicación para Android

O servizo de información meteorolóxica dirixido por José Antonio Maldonado. Eltiempo.es, é un dos máis populares entre os usuarios españois de dispositivos de Apple, e grazas a unha forte demanda estreouse nos últimos días para dispositivos con Android, incrementando considerablemente o número de móbiles dende os que está accesible (pois actualmente o 78,7% das vendas de smartphones en España corresponden a tal plataforma).
Esta aplicación de balde permite consultar o tempo para 14 días en 200.000 localidades, de xeito que fai doado e áxil comprobar a previsión para as vindeiras horas ou días, estando adaptada a súa interface tanto a orientación vertical como horizontal, e destacando esta nova aplicación fronte á de iOS polo feito de poder instalarse no escritorio do móbil coma widgets nos que consultar directamente a información meteorolóxica das nosas localidades favoritas.
Eltiempo.es para Android tamén conta con mapas de predición de precipitacións, imaxes de satélite, mapas de predición de temperaturas, mapas de predición de presións, mapas de nubosidade, información meteorolóxica da casto e o mar, avisos meteorolóxicos e información sobre estacións de esquí.