Telefónica reorganiza a súa cúpula directiva

O presidente de Telefónica, César Alierta, vén de nomear a José María Álvarez-Pallete novo conselleiro delegado da operadora e responsable de operacións (COO), logo de que Julio Linares, o que ostentaba este cargo dende hai máis de 40 anos, decidira poñer fin ás súas responsabilidades executivas na compañía.
Este cambio obrigou ao consello de administración de Telefónica a mover outras “pezas” da cúpula directiva da compañía, nomeando a Eva Castillo (vocal do consello de administración) como presidenta de Telefónica Europa, o cargo que tiña asignado o novo número dous da firma de telecomunicacións.
Outros cambios levados a cabo no organigrama da empresa foron a substitución de David Arculus por Santiago Fernández Valbuena no Consello de Telefónica Europa, e o nomeamento de Julio Linares como vicepresidente terceiro sen carácter executivo, no mesmo organismo.
Finalmente, o consello aprobou o nomeamento do brasileiro Eduardo Navarro, actual director de estratexia e alianzas da compañía, como membro do comité executivo de Telefónica.