Sony deixará de fabricar gravadoras de casete o mes que vén

Os soportes físicos para a reprodución sonora gozaron de grande éxito na segunda metade do século XX, pero levan uns anos avanzando cara a súa extinción, e mentres agardamos a que os CD digan adeus case podemos asinar a acta de defunción das casetes, pois Sony vén de anunciar que vai cesar a fabricación das súas gravadoras de casete TCM-400, TCM-410 e TCM-450, que continuaban a producirse no Xapón, e que a partires de agora serán simple pezas de colección.
Pode sorprender que as casetes fosen capaces se sobrevivir a tecnoloxías como o MiniDisc (que deixou de fabricarse o ano pasado) e será en xaneiro de 2013 cando Sony deixe de producir as súas gravadoras persoais que quedaban en catálogo. Deste xeito diriamos adeus os reprodutores/gravadores de casete puros, manténdose temporalmente en fabricación os dispositivos híbridos que acompañaban o casete sintonizador de radio AM/FM e outras características que o fan atractivo para certos nostálxicos como o Sony CD CFD-A110, aínda que é de agardar que cesen a súa produción durante o ano que vén, confirmando a desaparición case absoluta dun soporte que quedou totalmente obsoleto.