Condenan a 5 anos de cadea ao líder dun grupo de distribución de películas na Rede

En 2011 o FBI desmantelou o grupo de distribución de películas piratas chamado IMAGINE, responsable de publicar na Internet numerosas películas cando aínda estaban presentes nas salas cinematográficas, para os que algúns dos membros gravaban o son e outros incluso utilizaban cámaras para captar o vídeo, e así montar finalmente os vídeos para a súa difusión en liña, e agora deuse a coñecer a sentenza para Jeramiah Perkins (home de 40 anos de Portsmouth en Virginia) considerado o líder do grupo, sorprendendo pola súa dureza, pois terá que enfrontarse a 60 meses de cadea, superando a pena doutro dos seus socios, Gregory A. Cherwonik, sentenciado en novembro a 40 meses de cárcere.
O grupo IMAGINE tivo moita actividade entre 2009 e 2011, e segundo a MPAA era un dos grupos de máis éxito polo pouco tempo que tardaban entre a estrea dos filmes e a súa distribución na Rede, cun nivel de calidade de vídeo e son bastante aceptable e un volume de publicacións moi elevado. Esta rede contaba con servidores en Francia, Canadá e EE.UU. e recibían doazóns pola súa actividade, polo que as súas prácticas terían arela de lucro.