Aceleración de negocios, móbiles e videoxogos centrarán esta semana o programa Banda Ancha da Radio Galega

O programa Banda Ancha da Radio Galega, galardoado recentemente cun Premio INNOVA-G, continúa co seu labor de difusión da tecnoloxía en Galicia, polo que este sábado a partires das 15:00 horas realizará un repaso da actualidade da semana, grazas á colaboración de Código Cero, aproveitando a ocasión para achegarnos o resultado do Concurso motiON organizado pola aceleradora Zarpamos da man do máximo responsable do proxecto, Manuel García, quen tamén explicará en que consiste unha aceleradora de negocios.

O programa que esta semana está conducido excepcionalmente por Sevi Martínez, completarase coa presenza de Juan Gestal, do blog PixFans.com e desenvolvedor de aplicacións móbiles en Movendo, que quixo pasar ante os micrófonos da Radio Galega para adiantar algúns detalles sobre a conferencia sobre videoxogos e móbiles que o vindeiro xoves ás 12:00 horas impartirá xunto aos fundadores de Tesla Technologies na Escola Técnica Superior de Enxeñaría en Santiago de Compostela.