O HTC First será o primeiro smartphone en integrar Facebook Home

Durante o evento de presentación de Facebook Home fixeron acto de presenza os máximos responsables de AT&T e HTC para presentar o primeiro smartphone que incluirá esta capa de software para Android será o HTC First, que vén a ser un terminal con pantalla Super LCD de 4,3 polgadas cunha resolución de 1.280 x 720 píxeles, procesador Qualcomm 8930AA de dobre núcleo a 1,4 GHz, 1 Gb de RAM, 16 Gb de almacenamento interno, conectividade LTE/HSPA+, GPS, compás dixital, NFC, Bluetooth 4.0, Wi-Fi N, micro-USB 2.0, cámaras traseira de 5 Mpíxeles (con apertura f2.0 e sensor BSI) e frontal de 1,6 Mpíxeles, batería de 2.000 mAh e sistema operativo Android 4.1.
Nos EE.UU. porao á venda inicialmente AT&T a un prezo de 99,99 dólares (asegurando a compañía que o seu prezo de mercado será de 449,99 dólares) e, polo momento, está confirmado que en Europa venderao Orange (descoñecéndose aínda os detalles da súa comercialización, nin se hai outros operadores interesados neste smartphone de HTC).