O CITIC concorre en cinco proxectos europeos de investigación no eido TIC

O CITIC (Centro de Investigacións TIC da Universidade da Coruña) vén de informar dos detalles da súa participación en iniciativas de apoio á innovación do ámbito da UE. Segundo fontes do centro da Universidade da Coruña, este realizou cinco solicitudes a convocatorias europeas de financiamento de proxectos de Investigación e Desenvolvemento (I+D) no ámbito tecnolóxico-dixital nos que participan máis de 60 investigadores das súas 12 áreas de actividade. Dende o CITIC tense “o convencemento de que a internacionalización é unha das etapas claves para o crecemento e consolidación do CITIC”. De feito, a dia de hoxe xa hai investigadores participando en diferentes proxectos europeos como PROWESS (Property­based testing of Web services), que busca crear novas ferramentas e métodos para que as empresas de software europeas poidan desenvolver servizos web e aplicacións de Internet de mellor calidade.
Esta iniciativa ten o seu xermolo no éxito obtido noutro proxecto europeo previo: PROTEST: Property-based Testing, o que para o CITIC indica que este vai consolidando a súa rede de colaboradores internacionais.
As cinco convocatorias europeas ás que concorre o CITIC centran as súas investigacións en diferentes eidos. Estes son:
· Mobilidade: dende a área de actividade de Sistemas de Comunicacións Sen Fíos presentouse unha proposta á convocatoria do 7ª Programa Marco en colaboración con diferentes empresas e entidades de investigación que permitirá o desenvolvemento de novas tecnoloxías para lograr que os actuais estándares de comunicacións móbiles poidan satisfacer os estritos requisitos necesarios para proporcionar servizo a usuarios de grande mobilidade como, por exemplo, trens ou avións. O consorcio congrega a diversas empresas, provedores de servizo e entidades de investigación co fin de ter en conta todo o ecosistema das redes actuais e futuras, incluídos os aspectos económicos, para prover servizos de rede de banda larga fiables en escenarios de alta velocidade.
· E-learning: o proxecto que interrelaciona a varias das áreas de actividade do CITIC enmárcase dentro del Programa para a Innovación e a Competitividade de apoio ás políticas TIC CIP-ICT-PSP-2013-7- ICT for learning, A través del pretendese “palia-lo desequilibrio entre a oferta de profesionais altamente cualificados e a comunidade empresarial nunha grande parte das rexións da Unión Europea con altas taxas de mozos desempregados”. O papel do CITIC dentro deste proxecto será o desenvolvemento da aplicación web a través da que se impartirán os cursos de formación, así como facer de enlace entre o ámbito universitario e o mundo empresarial.
· Economía verde: o proxecto enmárcase dentro do Programa de Cooperación Territorial Interreg-Sudoe e foi desenvolvido por investigadores da área de Computación de Altas Prestacións. O abandono do campo, unido ás escasas precipitacións e altas temperaturas estivais derivadas do cambio climático, orixinan as condicións ideais para incendios forestais. O proxecto pretende impulsar o desenvolvemento da chamada economía verde nos sectores agroalimentario e enerxético, especialmente con actividades en base a terra, en áreas con risco de abandono. O proxecto mellorará a información sobre a aptitude do territorio, sistemas produtivos eficientes e experiencias innovadoras na gobernanza da terra. Do mesmo xeito, mellorará a comunicación e coordinación entre axentes relevantes a través dunha plataforma SIG-Web 2.0, impulsando novos partenariados para a xestión territorial.
· Investigación independente: para rematar, dende a área de Procura e Recuperación de Información presentáronse dúas propostas á convocatoria Consolidator Grant (FP7-ERC-2013-CG) dirixidas a investigadores novos con talento e alto potencial acreditado mediante un historial profesional prometedor, para que desenvolvan carreiras profesionais independentes e pasen de traballar baixo tutela dun supervisor a ser investigadores independentes por dereito propio.
Sobre o CITIC
O Centro de Investigación en Tecnoloxías da Información e as Comunicacións (CITIC) é un Centro Tecnolóxico impulsado pola Universidade dá Coruña, para fomentar o I+D+i aplicado nas TIC. Supón un punto de encontro entre Universidade e Empresa no que se combinan departamentos de I+D de empresas con investigadores universitarios, constituíndo un entorno mixto que posibilita a colaboración e a transferencia de coñecementos. Nel traballan máis de 250 investigadores distribuídos en 12 áreas tecnolóxicas de actividade. Entre as súas actividades atópanse a transferencia tecnolóxica e do coñecemento, o desenvolvemento de Proxectos de I+D, a vixilancia tecnolóxica ademais de potenciar a innovación empresarial e a relación Universidade-Empresa.
Axudas do programa de consolidación e estruturación de unidades de investigación competitivas: Agrupación Estratéxica CITIC (CN2012/211). Cofinanciado por:

Axudas do programa de consolidación e estruturación de unidades de investigación competitivas: Agrupación Estratéxica CITIC (CN2012/211). Cofinanciado por::