Twitter por fin permite intercambiar fotografías en privado

Aínda que Twitter é unha das principais plataformas de comunicación pública dende dispositivos móbiles, para o intercambio de información en privado está a perder pulo, e iso parece que levou aos seus responsables a incorporar unha funcionalidade que leve aos usuarios a non optar por alternativas como WhatsApp, Facebook ou SnapChat, a posibilidade de remitir fotografías a través de mensaxes directas. Deste xeito, os usuarios poderán intercambiar fotografías en privado, dun xeito cómodo e áxil (as imaxes poden verse directamente nas conversas privadas).
As aplicacións móbiles para Android e iOS de Twitter xa incorporan esta nova posibilidade, xunto con outras interesantes funcionalidades, como a opción de poder ver só as respostas, rechíos e favoritos das xente que seguimos (en iOS) e a posibilidade de recibir notificacións push das persoais que máis nos importen (en Android) para o que só haberá que marcar un perfil como favorito (de xeito que recibiremos un aviso con todas as súas publicacións).