Euronews estrea aplicación para Windows Phone 8

A canle televisiva de novas máis visto de Europa, Euronews, estrea aplicación para Windows Phone 8, que parece ser unha das ferramentas para o sistema operativo móbil de Microsoft mellor recibidas dos últimos meses, achegando novas e vídeos sobre a actualidade que interesa no Vello Continente en 13 edicións distintas (entre as que está Euronews en Español).
Esta aplicación de balde presenta as novas destacadas na súa sección En Titulares, das que podemos profundar nos detalles, podendo ver un texto que a describe xunto cun vídeo que podemos ver sobre a descrición ou a pantalla completa se colocamos o móbil en horizontal. Tamén podemos explorar os contidos da aplicación organizados segundo o programa de Euronews nos que se emiten ou a través de distintas categorías (novas, cultura, negocios, Europa, ciencia e tecnoloxía e medio ambiente).
Nos vindeiros meses a aplicación recibirá novos programas e funcións: Euronews TV en directo, concursos de actualidade, marcador de favoritos e buscador.