Amazing Weather HD ofrécese de balde durante 24 horas

Unha das aplicacións meteorolóxicas máis completas e de estética máis coidadas para Windows Phone 7.5 e 8, Amazing Weather HD, ofrécese hoxe de balde, o que permite acceder á mesma sen pagar os 1,99 euros que custa habitualmente.
Esta aplicación ten unha interface rica e atractiva, con varios temas diferentes; permite rexistrar ata 3 cidades diferentes das que obter as predicións meteorolóxicas (así como empregar a posición GPS para achegar os datos da nosa localización actual); pode empregar a pantalla de desbloqueo do móbil para amosar a información meteorolóxica; nas súas baldosas activas pode amosar información seguindo numerosos formatos a elección por parte do usuario; presenta animacións climatolóxicas moi elegantes; e permite consultar información detallada das condicións meteorolóxicas actuais. Algunhas características (como as imaxes de radar) só están dispoñibles dende EE.UU.