Vanity Fair dá conta do cambio de rumbo de Microsoft botando a vista atrás

Tras a retirada de Steve Ballmer da dirección de Microsoft non só Satya Nadella colleu as rendas da compañía, senón que incluso Bill Gates considerou necesario volver a contribuír no cambio de rumbo da empresa que fundou, de xeito que confíase en que os vindeiros anos sirvan para sentar os alicerces dunha futura Microsoft mellor integrada no contorno dixital actual no que os móbiles e a nube teñen adoptan un rol máis importante, o que levou a que a revista Vanity Fair fixese unha interesante reportaxe.
Nas páxinas da publicación norteamericana Bethany McLean lembra que tras 6 anos dedicados á filantropía, Gates decidiu que dende o pasado mes de decembro Gates decidiu destinar o 30% do seu tempo a Microsoft, para axudar a Satya Nadella ao rexurdir de Microsoft, compañía que está nunha situación que algúns cualifican como “unha irrelevancia rendible”, xa que a compañía continúa a liderar os seus ámbitos principais, aínda que non consegue destacar porque a informática tradicional perdeu peso nos últimos anos.
Os esforzos de Microsoft van dirixidos agora a “reinventar a produtividade” segundo comenta Nadella, que considera crucial desenvolver as mellores experiencias de software para permitir que particulares e empresas poidan tirar un maior proveito do seu tempo, o que sempre foi o xermolo das franquías de Microsoft (Office e Windows).

O artigo de Vanity Fair tamén desvela que a sucesión de Steve Ballmer á fronte de Microsoft foi un proceso moi complicado, que creou friccións tan grandes que levaron a que Gates e Ballmer, grandes amigos dende os primeiros anos de Microsoft, deixasen de dirixirse a palabra. De feito, pese a ser o principal accionista particular da empresa (superando a Gates), Steve Ballmer decidiu deixar abandonar o consello de dirección da compañía.
Pero aínda que teñamos a impresión de que Microsoft é a sombra do que era, cómpre destacar que durante moitos anos foi a empresa tecnolóxica máis rendible do mundo, e actualmente só estaría a verse superada por Apple. De feito, é difícil ver como se recoñece a Windows e Office como uns produtos sumamente rendibles e apreciados polo mercado, debéndose boa parte deste éxito a Ballmer, que recoñeceu ter cometido erros como non ser quen de anticiparse aos fenómenos das redes sociais ou a telefonía móbil, aínda que persoalmente asegura que o seu meirande erro foi o malogrado proxecto Longhorn, que foi do que naceu finalmente Windows Vista, un produto tan deficiente que chegou a desgustar aos consumidores.
Queda agora por ver como continuará a compañía baixo as ordes de Satya Nadella, no que claramente será un novo capítulo na historia de Microsoft pois, aínda que Gates volva a involucrarse na súa marcha, a dirección está noutras mans.