Chega oficialmente Windows 10 Creators Update

Preto de medio ano despois da súa presentación, por fin está aquí Windows 10 Creators Update, grande revisión de Windows 10 que estes días comeza a achegar aos equipos informáticos de todo o mundo de xeito automático e que introducirá numerosos novidades entre as que destacan as funcionalidades dirixidas a traballar coas 3D e a realidade mixta, sentando así as bases dun contorno no que os usuarios terán grandes posibilidades para a produción de contidos e a experimentación con contidos tridimensionais tanto en pantalla como a través de sistemas de visualización inmersiva.
Aínda que o Paint 3D e os alicerces da realidade mixta (que en poucos meses procurará gañarse ao público a través de cascos cun prezos que partirán dos 299 dólares e permitirán mesturar a realidade virtual co noso contorno), a nova actualización de Windows 10 inclúe moitas outras melloras, como novos controis de privacidade, un modo de funcionamento optimizado para os videoxogos, unha mellor organización da navegación web a través de Microsoft Edge, un maior control da instalación de actualizacións e incluso a posibilidade de bloquear o noso equipo informático cando se detecte que estamos afastados do mesmo (para o que pode empregarse o smartphone, pulseiras de actividade e outros trebellos emparellados ao ordenador).
Os usuarios de Windows 10 que non queiran agardar á instalación automática da nova actualización poden acudir á páxina web de descarga de software e seleccionar Actualizar ahora para forzar a instalación de Windows 10 Creators Update.