A Federación Galega de Enfermidades Raras contará con innovación tecnolóxica do CITIC

xoves, 10 de setembro do 2020 Redacción

Representantes do Centro de Investigación TIC da Universidade da Coruña (CITIC) reuníronse este martes 8 de setembro con membros da Federación Galega de Enfermidades Raras e Crónicas (FEGEREC) co obxectivo de establecer as condicións para un convenio marco de colaboración entre ambas as entidades e con vistas a impulsar a dixitalización dos traballos levados a cabo pola federación e os seus servizos de atención a usuarios.
Na reunión presentáronse as capacidades e ámbitos de actuación de ambas as entidades. Estiveron presentes, por parte do CITIC, o director, Manuel F. González Penedo; o subdirector, Javier Pereira; o responsábel de Transferencia Tecnolóxica e Innovación, Manuel Bustabad; e a investigadora da área de Intelixencia Artificial, Thais Pousada. Por parte da FEGEREC asistiron a directora sociosanitaria, Carmen López; a traballadora social, Patricia Rodríguez; e a responsábel da área de Comunicación Externa e Deseño, Lida Sánchez.
Esta acción enmárcase no obxectivo do CITIC de fomentar a transferencia tecnolóxica á sociedade e de potenciar o uso do TIC por todos os colectivos da sociedade atendendo á súa diversidade.

PUBLICIDADE