A PlayStation 5 por fin ten prezo e data de lanzamento
mércores, 16 de setembro do 2020
Finalmente
tivo lugar o evento de PlayStation 5 no que amosaron moitos dos xogos de
lanzamento da nova consola de Sony, á vez que anunciaron finalmente que os
prezos e datas de lanzamento da nova máquina. A PayStation 5 chegará a EE.UU.,
Canadá, Xapón, México, Australia, Nova Zelandia e Corea do Sur o vindeiro 12 de
novembro, mentres que no
resto do mundo teremos que agardar até o 19 de novembro.
Pero o factor que máis intersa ao público é o prezo das novas consolas, e
finalmente a PlayStation 5 seguirá os pasos da Xbox Series X de Microsoft, cun prezo
de 499,99 euros, mentres que a versión sen disco sae un chisco máis barata
(399,99 euros), facendo que o futuro dos videoxogos sen xogos almacenados en
discos ópticos estea cada vez máis preto.
O feito de que a PlayStation 5 teña un prezo na liña do seu competidor máis
directo non deberÃa complicar a competencia entre as distintas máquinas, xa que
confÃase en que nesta campaña de Nadal a consola de nova xeración en Europa
teña un éxito rotundo, grazas en boa medida pola reacción de Sony, que soubo
ver o interese de manter un prezo de lanzamento que no sexa superior ao da consola,
á vez que tamén unha versión sen disco máis económica, que poderÃa ameazar o
futuro das tendas fÃsicas de videoxogos.
Precisamente na liña de competir coa Xbox fixeron unha interesante proposta que
quere reducir o pulo de Xbox Game Pass Ultimate:a PlayStation Plus Collection.
Deste xeito PlayStation Plus terá unha oferta de valor moi diferente á dos dous
xogos xogos que reciben os seus subscritores ao mes sen cargo adicional, e
pasarán a contar cunha PlayStation Plus Collection que inicialmente inclúe a God
of War, Bloodborne, Monster Hunter World, Final Fantasy XV,
Fallout 4, Mortal Kombat X, Uncharted 4: El Desenlace del
Ladrón, Ratchet and Clank, Days Gone, Until Dawn, Detroit:
Become Human, Battlefield 1, Infamous Second Son, Batman:
Arkham Knight, The Last Guardian, The Last of Us, Persona
5 e Resident Evil VII: Biohazard, xogos que marcaron a presente
xeración de consolas, e que axudarán a que o inicio da seguinte parta cunha
base de xogos que garanta certa diversión para os early adopters, á vez
que mitiga a fuxida de usuarios a Xbox.
VÃdeo que resume o amosado no evento no que presentaron o prezo e a data de lanzamento da PlayStation 5