A Propiedade industrial, a debate nuns encontros en Lugo e Ferrol

A Universidade da Coruña, o Instituto Tecnolóxico de Galicia e a Consellería de Innovación organizan unhas xornadas sobre Propiedade Industrial, que se celebrarán mañá xoves 25, en Lugo, na sede da Confederación de Empresarios da cidade, e o venres 26, en Ferrol, na Escola Universitaria de Deseño Industrial. O encontro, que abordará a utilidade das modalidades de Propiedade Industrial, contará coa participación de expertos na materia procedentes da Universidade, a Administración Pública e o eido empresarial. A xornada de mañá, en Lugo, afrontará temas da propiedade industrial de caracter mais xeral, mentres que na do venres, no campus de Ferrol, as sesións se centrarán no caso específico do deseño industrial.