A UDC acolle este mércores unhas xornadas abertas sobre neurociencia

O Paraninfo da Reitoría da Universidade da Coruña acolle hoxe as Xornadas para Mozos Investigadores en Neurociencia, organizadas conxuntamente coas Universidades de Santiago e Vigo e coa Consellería de Educación. A apertura é ás 9:30 horas, tras a que o profesor da UDC, Alejandro Pazos, falará da Simbiose entre a Neurociencia Computacional e a Intelixencia Artificial. Ao longo do día sucederanse comunicacións orais sobre distintos ámbitos da Neurociencia: Neuroanatomía, Neurofisioloxía, Psicobioloxía e Psiquiatría, e Neurobioloxía Médica. Finalmente, ás 19:00 horas, poderase escoitar a conferencia de peche Falsas percepcións, a cargo de Fernando del Valle-Inclán Alsina.