A UDC e NTT Data impulsan un seminario feminino para loitar conta a fenda dixital: UniQA

martes, 8 de febreiro do 2022 S. P.

A nova Cátedra en Diversidade e Tecnoloxía, creada pola Universidade da Coruña e NTT DATA (antiga Everis), presentou un proxecto para derrubar os obstáculos que presenta o ámbito dixital en materia de igualdade. Trátase de UniQA, un seminario feminino dirixido a potenciar as habilidades directivas e a marca persoal de estudantes de mestrado e os últimos cursos dos graos en titulacións TIC da UDC. Esta cátedra, dirixida polo investigador do CITIC Luis Hervella, toma o testemuño da Cátedra Everis en Transformación Dixital.
En termos máis concretos, o seminario UniQA busca reducir a brecha de xénero existente nas carreiras científicas e tecnolóxicas, un dos obxectivos da colaboración entre a UDC e NTT DATA.
O programa desenvolverase durante os meses de febreiro e marzo a través de Teams e na sede de NTT DATA.
Axenda:
-15 de febreiro (Teams): Identify. Contexto. Rumbos inconscientes. Autocoñecemento.
-22 de febreiro (Teams): Believe. Autoconfianza e empoderamento.
-2 de marzo (Teams): Come On! Habilidades de comunicación e Storytelling.
-8 de marzo (sede de NTT DATA): Share. Mesa redonda: A muller como referente en consultoría.
Podemos consultar máis información sobre a iniciativa ou formalizar a inscrición a través da web de NTT Data.

PUBLICIDADE