A UDC organiza unha xornada de demostración de software para aparelladores

A Escola Universitaria de Arquitectura Técnica da Universidade da Coruña vai organizar, o vindeiro luns 11 de febreiro ás 12, unha demostración do funcionamento de programas informáticos de deseño empregados a nivel profesional no desenvolvemento do traballo do aparellador.
O evento terá lugar na aula magna do devandito centro e a presentación do mesmo será levada a cabo pola empresa Íscar Software de Arquitectura, que explicará as funcionalidades de Dibac, un programa de CAD profesional para a realización de planos en 2D e de Sketch-up, un software de deseño en tres dimensións.