A Universidade da Coruña súmase á iniciativa do PuntoGal

A Asociación PuntoGal leva anos traballando na consecución dun dominio de Internet para a lingua e a cultura galegas, e para contribuír a estes esforzos a Universidade da Coruña vén de presentar a súa carta de adhesión ao proxecto do que xa forman parte numerosas asociacións culturais e xuvenís, centros galegos no exterior, medios de comunicación, asociacións profesionais, empresas e moitas outras entidades de relevancia en Galicia.