A Xbox 360 actualizará a súa interface de uso o 6 de decembro

O vindeiro 6 de decembro será a data de lanzamento do novo Dashboard da Xbox 360, de xeito que a consola de videoxogos de Microsft avanza na súa integración co PC e con dispositivos móbiles, ofrecendo unha interface de usuario cada vez máis semellante a Metro (interface presente en Windows Phone 7 e no futuro Windows 8) e integrando dun xeito máis profundo o sistema de recoñecemento de voz de Kinect.
A actualización da Xbox 360, actualmente en fase de probas, tamén integrará o buscador Bing, incorporará o almacenamento na nube (para potenciar o uso social da consola) e estreara o servizo televiso para usuarios Gold que no caso español permitirá acceder a AlloCiné, Antena 3, Canal+, GolTV, RTVE, Telefónica, Dailymotion, Facebook, MSN con MSNBC.com, MUZU.TV, Twitter, Zune e YouTube.