A pasada fin de semana a Xbox 360 triplicou en vendas á PlayStation 3

Microsoft anunciou que a pasada fin de semana (considerada coma o inicio oficial da campaña de Nadal) conseguiron un grande éxito de vendas para a súa consola de videoxogos, que acadaría os seus mellores resultados históricos nesta data, triplicando as vendas da PlayStation 3 e colocando un 25% máis de Xbox 360 que o ano pasado, o que sería consecuencia dos seus prezos agresivos e de grandes títulos coma Gears of War 2, Fable II ou Lips.