A serie galega Linatakalam, premiada en Hamburgo

A serie galega de televisión Linatakalam (Falemos) vén de recibir a Medalla de Ouro do World Media Festival de Hamburgo, un certame encamiñado a recoñecer a excelencia no eido audiovisual en medios de comunicación. A serie, dirixida por Valentín Carrera e producida por IBISA TV, contou coa colaboración do Seminario Galego de Educación para a Paz (traballando no deseño da ferramenta didáctica que acompaña á produción e que se dirixe ó profesorado de Secundaria). Linatakalam aborda nos seus seis capítulos temas como a necesidade de favorecer máis diálogo entre culturas diversas, neste caso a árabe e a occidental.