AIRIS pon en marcha unha web para resolver dúbidas dos seus clientes

AIRIS semella interesada en non deixar ós seus clientes desatendidos en caso de que o axeitado uso dos aparellos da marca se converta -polas razóns que sexan- en misión imposible. De aí xurde precisamente www.airissupport.com, a web de soporte técnico da casa que vén de ser habilitada para satisfacer “todas as dúbidas e preguntas dos usuarios e distribuidores da compañía sobre os produtos AIRIS, xa sexan de informática ou de electrónica de consumo”, informa a compañía. A páxina inclúe menú de inicio por pasos e recursos como manuais, imaxes detalladas, descarga de drivers actualizados ou certificacións.