Alumnado do IES Miraflores de Oleiros tivo ocasión de coñecer a fondo o CITIC
martes, 30 de novembro do 2021
O
martes 23 de novembro as
dependencias do Centro de Investigación TIC da UDC (o CITIC)
acolleron a visita de cinco alumnos de primeiro de bacharelato que
participan no programa de educación cientÃfico-tecnolóxica da
Xunta: o STEMBach. Desta volta, o investigador do CITIC Carlos
Fernández Lozano ofreceu unha charla sobre a súa liña de
investigación en novas ferramentas intelixentes aplicadas ao ámbito
da saúde e, en concreto, afondou na páxina web habilitada para a
monitoraxe da COVID-19 que puxo en marcha durante o confinamento coa
finalidade de predicir a evolución da enfermidade.
O
investigador faloulles aos alumnos das dificultades que foron
xurdindo no desenvolvemento do proxecto e da inesperada proxección
que obtivo ao ser a única ferramenta online en España con
estas caracterÃsticas.
Con
posterioridade o alumnado tivo ocasión de coñecer as instalacións
do CITIC e o seu Demostrador Tecnolóxico, onde os estudantes
puideron probar desenvolvementos realizados no centro nos ámbitos da
robótica, a Realidade Virtual e a Realidade Aumentada.
Con
esta visita procedeuse a pechar un ciclo de actividades divulgativas
realizadas polo CITIC no IES Miraflores de Oleiros. Durante os meses
de outubro e novembro, os investigadores Susana Ladra, José Antonio
Iglesias Guitián e Ainhoa Molinero ofreceron charlas aos alumnos de
1º de bacharelato STEMBach nas que achegaron a súa experiencia e
traxectoria no ámbito das TIC.