Amparo Alonso participou no encontro Fake&Business 21

venres, 28 de maio do 2021 S. P.

A investigadora do CITIC e presidenta da AEPIA, Amparo Alonso, participou este xoves 27 de maio no evento Fake&Business 21, o encontro máis importante sobre novas falsas (fake news), transparencia e intelixencia dixital en España, organizado pola Cátedra da Marca Corporativa da Universidade de Alicante, coa cooperación de CENID (Centro de Intelixencia Dixital Provincia de Alicante) e Diario Información.
O obxectivo deste evento é reflexionar e propoñer vías de acción para camiñar cara á transparencia e a verdade dos feitos que afecta o sector do gran consumo, expoñendo solucións de base de intelixencia dixital e académica para frear o crecemento da desinformación e os bulos nos negocios, mercados e sociedade.
Amparo Alonso participou na sesión 3, Combater as fake news con Intelixencia (Artificial), abordando as posibilidades das tecnoloxías avanzadas da análise da información para tomar as mellores decisións en materia de seguridade.

PUBLICIDADE