Caixanova estrea o seu servizo Brokermóvil

Caixanova vén de por en funcionamento un servizo de compravenda de valores para móbiles, o Brokermóvil, que permite consultar e operar en bolsa dende calquera terminal. A entidade financeira afirma que se trata dun servizo “de manexo doado, rápido, seguro e de balde”, posto que o gasto de conexión (que é o único que se cobra) dependerá da operadora de telefonía que o usuario teña contratada. Asemade, o Brokermóvil permite acceder ós servizos de broker de Caixanova a través dunha aplicación no dispositivo coas prestacións máis avanzadas da tecnoloxía móbil, por medio de terminais móbiles como Blackberry, PDA-Smart Phone ou Nokia serie 60/N.