Comeza en Santander o seminario “Ciencia, Tecnoloxía e Patentes”, organizado pola U.I.M.P.

A Oficina Española de Patentes e Marcas (OEPM), en colaboración coa Universidade Internacional Menéndez y Pelayo (UIMP) maila Academia Europea de Patentes, vai organizar un seminario para resaltar a relación existente entre os aspectos fundamentais que compoñen o proceso de innovación: a ciencia, a tecnoloxía e as patentes.
Este seminario, que vai ter lugar no marco xeral dos Cursos de Verán da U.I.M.P., levarase a cabo dos días 9 ó 13 de xullo en Santander e contará con relatorios de prestixiosos profesionais do mundo da Propiedade Industrial tanto nacionais como internacionais.
Entre outros, interverán representantes de Universidades españolas, de institucións nacionais (Fundación COTC, Consejo Superior de Investigacións Científicas e Fundación OPTI), de empresas como Televés, Laboratorios Almirall ou Airbus España e de institucións internacionais como a Comisión Europea e a Oficina Europea de Patentes (OEP).